Quterreş Gürcüstan hakimiyyəti və etirazçıları gərginliyə səbəb olan addımlardan çəkinməyə çağırıb

BMT-nin baş katibi Antonio Quterreş Gürcüstan hakimiyyətini və “xarici agentlər” haqqında qanuna etiraz edənləri gərginliyin artmasına gətirib çıxara biləcək addımlardan çəkinməyə çağırıb.

Bbarədə BMT baş katibinin sözçünün müavini Fərhan Haq bildirib.
Haqın sözlərinə görə, Quterreş Gürcüstandakı prosesləri izləyir.

“O, bütün aidiyyatı tərəfləri gərginliyin artmasına səbəb ola biləcək hər hansı hərəkətdən çəkinməyə çağırır”, - deyə o bildirib.
Tbilisidə “xarici agentlər” haqqında qanuna etiraz edənlər skamyalar və zibil qutularından barrikadalar qururlar.
Bundan əlavə, iğtişaşçılar Tbilisinin mərkəzinə yaxınlaşan polis avtobuslarından birinə daş atıblar.