Azərbaycanda əmtəəlik qaz hasilatı artıb, neft hasilatı isə azalıb

Bu ilin yanvar-aprel aylarında mədənçıxarma sənayesində istehsalın ümumi dəyəri 17,3 mlrd. manat olmaqla, əvvəlki ilin müvafiq dövrünə nisbətən 4,1% azalıb.

Bu barədə Azinfo.az “APA-Economics” Dövlət Statistika Komitəsinin aylıq hesabatına istinadən xəbər verir.
Hesabata əsasən, qeyd olunan ümumi göstəricidən 16 527,3 mln. manat xam neft və təbii qazın hasilatının payına düşüb, bu da illik müqayisədə 3,9% azdır.
Mədənçıxarma sənayesi üzrə istehsalın həcmi:

Fəaliyyət növlərinin adı	2023-cü ilin yanvar- aprel aylarında istehsal edilmişdir, milyon manat	Əvvəlki ilin müvafiq dövrünə nisbətən (sabit qiymətlərlə), faizlə
Mədənçıxarma sənayesi	17303,8	95,9
Xam neft və təbii qaz hasilatı	16527,3	96,1
Metal filizlərinin hasilatı	107,3	89,1
Mədənçıxarma sənayesinin digər sahələri	61,3	94,4
Mədənçıxarma sənayesi sahəsinə xidmətlərin göstərilməsi	607,9	83,9

Məlumata əsasən, sahənin əsas məhsulu olan əmtəəlik neft hasilatı 10 202,5 min. ton, əmtəəlik təbii qaz hasilatı isə 12 215,2 mln. kub metr təşkil edib.
“Əmtəəlik neft hasilatı əvvəlki ilin müvafiq dövrü ilə müqayisədə 8% azalıb, əmtəəlik qaz hasilatı isə 1,9% artıb”, - hesabatda qeyd olunur.
Xam neft və təbii qaz hasilatı:

Məhsul növləri	2023-cü ilin yanvar- aprel aylarında istehsal edilmişdir	Əvvəlki ilin müvafiq dövrünə nisbətən, faizlə	01.05.2023-cü il vəziyyətinə hazır məhsul ehtiyatı
Xam neft (qaz kondensatı daxil olmaqla), min ton	10227,9	92,0	269,1
ondan əmtəəlik	10202,5	92,0	269,1
Təbii qaz, milyon kub metr	16142,1	102,5	-
ondan əmtəəlik	12215,2	101,9	-