Şahmat üzrə qadınlardan ibarət yığmamız Vyetnam üzərində qələbə qazanıb

Budapeştdə keçirilən 45-ci Ümumdünya Şahmat Olimpiadası çərçivəsində qadınlardan ibarət Azərbaycan milli komandası mübarizəsini uğurla davam etdirir.

Azinfo.az-ın məlumatına görə, millimiz Vyetnam yığması ilə qarşılaşıb və rəqib üzərində 2,5:1,5 hesabı ilə qələbə qazanıb. Komandamız daha əvvəl Nikaraqua, Avstraliya və Sloveniyaya qalib gəlib, Argentina və Ukrayna ilə isə bərabərə qalıb. Hazırda 8 xala malik olan qadın komandamız turnir cədvəlində 11-ci pillədədir.

Vyetnamla keçirilən matçın nəticələri isə belədir:

• Le Thao Nguyen Pham – Günay Məmmədzadə: 1:0
• Ti Kim Pung Wo – Ülviyyə Fətəliyeva: 0:1
• Phuong Luong – Gövhər Beydullayeva: 0:1
• Ngoc Duong Bac – Xanım Balacayeva: 0,5:0,5

Bu uğur Azərbaycan komandasını növbəti turlarda daha da irəliləməyə ümidləndirir.