Azərbaycan səfiri Niderland Senatının Müdafiə Komitəsinin sədri ilə Laçın yolunu müzakirə edib

Azərbaycanın Niderlanddakı səfiri Rəhman Mustafayev ölkə Senatının Müdafiə Komitəsinin sədri Bastian van Apeldoorn ilə görüşüb.

Bu barədə səfir Rəhman Mustafayev “Twitter“də yazıb.

Səfir bildirib ki, görüş məhsuldar keçib.

“Senatın Xarici İşlər və Müdafiə Komitəsinin sədri Bastian van Apeldoorn ilə geniş məzmunlu görüş baş tutub. Görüş zamanı Qarabağ müharibəsindən sonra Cənubi Qafqazdakı vəziyyət, Rusiyanın və Avropa İttifaqının regiondakı rolu, Azərbaycan və Ermənistan arasındakı münasibətlərin normallaşması, sülh müqaviləsinin perspektivləri, Laçın yolu ətrafındakı vəziyyət barədə söhbət etdik”, o yazıb.