Şri-Lanka Prezidenti Azərbaycan dövlət başçısına təbrik ünvanlayıb

Şri-Lanka Demokratik Sosialist Respublikasının Prezidenti Qotabaya Racapaksa Prezident İlham Əliyevə təbrik ünvanlayıb.

Təbrik məktubunda deyilir:

"Ölkənizin milli bayramı - Müstəqillik Günü münasibətilə Şri-Lanka Demokratik Sosialist Respublikasının hökuməti və xalqı adından Sizi, Azərbaycan hökumətini və xalqını səmimi-qəlbdən təbrik etməkdən, ən xoş arzularımı çatdırmaqdan məmnunluq duyuram.

Ümidvaram ki, Şri-Lanka ilə Azərbaycan arasında mövcud olan sıx dostluq və əməkdaşlıq əlaqələri qarşıdakı illərdə ölkələrimizin mənafeyi naminə daha da möhkəmlənəcəkdir.

Zatı-alinizə möhkəm cansağlığı və xoşbəxtlik, Azərbaycan xalqına isə davamlı sülh və firavanlıq arzulayıram".