Elman Nəsirov: “Beynəlxalq birlik minatəmizləmə sahəsində Azərbaycana dəstək vermir”

“Demək olar ki, bütün dövlətlər və beynəlxalq təşkilatlar Azərbaycanın ərazi bütövlüyünü tam şəkildə qəbul edirlər”.

Milli Məclisin bu gün keçirilən iclasında parlamentin Beynəlxalq münasibətlər və parlamentlərarası əlaqələr komitəsinin üzvü Elman Nəsirov deyib.

Deputat bildirib ki, Prezident müşavirədə qeyd etdiyi kimi beynəlxalq birliyin Azərbaycan üçün vacib olan məsələlərdə bizə kömək etmək niyyəti yoxdur: ”Prezidentin müşavirədə dedikləri də bir çağırış idi. Minatəmizləmə fəaliyyətini işğaldan azad etdiyimiz ərazilərdə davam etdiririk, beynəlxalq birlik, beynəlxalq təşkilatlar Azərbaycana bu sahədə dəstək vermir”.