Batumidə binanın çökməsinə görə tutulan Azərbaycan vətəndaşına hökm oxunub

Təqsirləndirilən şəxslər məhkəmənin bugünkü iclasında iştirak etməyiblər.

Xatırladaq ki, ötən il oktyabrın 8-də Batuminin 26 may küçəsində yerləşən binanın bloklarından biri tamamilə uçub, nəticədə üçü azyaşlı olmaqla 9 nəfər həlak olub. İnsidentlə əlaqədar Gürcüstanda matəm elan edilib.

Hüquq-mühafizə orqanlarının əməkdaşları hadisə ilə əlaqədar 3 nəfəri - ata və oğul olan iki fəhləni və birinci mərtəbədəki mənzilin sahibi, Azərbaycan vətəndaşı Zaur Budaqovu saxlayıb.

Ekspertizanın rəyinə görə, hadisəyə səbəb binanın birinci mərtəbəsində aparılan təmir işləri zamanı tikintidə təhlükəsizlik qaydalarının pozulması olub. İttiham tərəfinin fikrincə, binanın uçmasına səbəb mənzildəki dayaq divarının sökülməsi olub.
Saxlanılan şəxslər irəli sürülən ittihamları rədd ediblər.