Masallıda Ağsaqqallar Evi tikilir

Masallı rayonunun mərkəzində, Xətai parkında inşa edilən Ağsaqqallar Evinin tikintisi son mərhələdədir. Hal-hazırda tikilidə son tamamlama işləri aparılır və tezliklə istifadəyə verilməsi planlaşdırılır.

Masallı Rayon İcra Hakimiyyətinin başçısı Araz Əhmədovun ağsaqqallara, ziyalılara və yaşlı insanlara göstərdiyi xüsusi qayğı bu layihədə də öz əksini tapmışdır. Ağsaqqallar Evinin inşası rayonun yaşlı sakinlərinin bir araya gələrək asudə vaxtlarını səmərəli keçirmələri üçün nəzərdə tutulmuşdur və bu da Araz Əhmədovun onlara göstərdiyi diqqətin bariz nümunəsidir.

Ölkə Prezidenti İlham Əliyev həmişə yaşlı nəsilə xüsusi qayğı və diqqət göstərmişdir və bu siyasət Masallıda da uğurla davam etdirilir. Rayonun müxtəlif ərazilərində aparılan quruculuq və abadlıq işləri nəticəsində Masallı günü-gündən daha da gözəlləşir və inkişaf edir.

Azinfo.az saytının çəkiliş qrupu gün ərzində rayonun müxtəlif ərazilərində çəkilişlər apararaq, görülən işlərin şahidi olmuşdur. Son iki il ərzində rayonda aparılan islahatlar və abadlıq işləri rayon sakinləri tərəfindən böyük rəğbətlə qarşılanır.

Bu layihələrə görə həm Masallı sakinləri, həm də media olaraq, Prezident İlham Əliyevə, Birinci vitse-prezident Mehriban xanım Əliyevaya və Masallı Rayon İcra Hakimiyyətinin başçısı Araz Əhmədova dərin təşəkkürümüzü bildiririk.