ƏƏSMN: 118,5 min pensiya, müavinət, təqaüd təyinatı e-qaydada aparılıb

2022-ci ilin yanvar-mart aylarında 118,5 min pensiya, müavinət və təqaüd rəqəmsal infrastruktur üzərindən, proaktiv qaydada təyin edilib.

Bu barədə  Əmək və Əhalini Sosial Müdafiəsi Nazirliyindən (ƏƏSMN) xəbər verilib.

Bildirilib ki, onlardan 8,4 mini pensiya, 110,1 mini müavinət və təqaüd təyinatları olub.

Əmək və Əhalinin Sosial Müdafiəsi Nazirliyi tərəfindən 2019-cu ilin əvvəlindən başlayaraq pensiyaların, sonralar müavinət və təqaüdlərin təyinatı elektronlaşdırılıb.

Həmin e-təyinat sistemləri vətəndaşların sosial təminat növlərinə hüquqları yarandığı halda müraciət olunmadan və sənəd təqdim edilmədən müvafiq təyinatların e-sistem üzərindən avtomatik aparılmasına imkan verir.

Cari ilin 1 aprel tarixinədək 56,7 mini pensiya, qalanı müavinət və təqaüdlər olmaqla ümumilikdə 387,6 min təyinat e-qaydada həyata keçirilib.