BölmələrAzərbaycanın Qarabağda Suverenliyinin Tam Bərpası: 19–20 Sentyabr 2023-cü il Antiterror Əməliyyatı
Azərbaycanın Qarabağda Suverenliyinin Tam Bərpası: 19–20 Sentyabr 2023-cü il Antiterror Əməliyyatı
2023-cü ilin 19–20 sentyabr tarixlərində Azərbaycan Ordusu Qarabağ bölgəsində lokal antiterror əməliyyatı həyata keçirdi. Bu əməliyyat Azərbaycanın dövlət suverenliyi və ərazi bütövlüyü baxımından çox böyük əhəmiyyətə malikdir.
Qarabağda qanunsuz fəaliyyət göstərən erməni silahlı dəstələri tez-tez Azərbaycan əsgərlərinə və mülki əhaliyə qarşı təxribatlar törədirdilər. Ən son hadisələrdən biri mina terroru nəticəsində hərbçilərin və mülki şəxslərin həlak olması idi. Bu vəziyyət Azərbaycanın təhlükəsizliyinə ciddi təhdid yaradırdı və dövlət qəti addım atmağa məcbur oldu.
Əməliyyatın əsas məqsədi Qarabağdakı bütün qanunsuz silahlı dəstələri tərksilah etmək, bölgədə təhlükəsizliyi bərpa etmək və Azərbaycanın Konstitusiya quruluşunu tam təmin etmək idi.
Azərbaycan Ordusu qısa müddətdə, cəmi bir gün ərzində dəqiq zərbələr endirərək separatçı silahlı dəstələrin mövqelərini sıradan çıxardı. Mülki əhalinin zərər görməməsi üçün əməliyyat xüsusi dəqiqliklə aparıldı. Nəticədə silahlı qruplar təslim oldu və tərksilah prosesinə başlandı.
Bu əməliyyatın nəticəsində Qarabağda bütün qanunsuz silahlılar tərksilah edildi, Azərbaycan dövlətinin tam suverenliyi bərpa olundu və bölgədə sülh və sabitlik üçün yeni imkanlar yarandı.
Beləliklə, Azərbaycan 30 ildən artıq davam edən separatizmə son qoydu. Artıq Qarabağda yalnız Azərbaycan dövləti fəaliyyət göstərir. Bu, ölkənin müstəqilliyi və gələcək inkişafı üçün mühüm addım oldu.
19–20 sentyabr 2023-cü il antiterror əməliyyatı Azərbaycanın tarixində dönüş nöqtəsi kimi yadda qaldı. Bu əməliyyat həm dövlətin gücünü, həm də xalqın birliyini göstərdi. İndi əsas məqsəd Qarabağda normal həyatın bərpası, insanların rifahı və bölgənin sürətli inkişafıdır.
Masallı rayon Heydər Əliyev Mərkəzinin əməkdaşı
Həsənova Lətifə Mahir qızı
paylaşın:
Şərhlər: 0
Şərh yaz