Milli Assambleyanın Sədri: Cənubi Afrika Azərbaycanın neft-qaz strategiyası təcrübəsindən yararlana bilər

“Azad Azərbaycanın qurucusu Heydər Əliyevlə bağlı xüsusi iclasa dəvət etdiyiniz üçün təşəkkürümü bildirirəm”.

Bunu bu gün Ümummilli Lider Heydər Əliyevin 100 illiyinə həsr olunmuş Milli Məclisin xüsusi iclasında Cənubi Afrika Respublikası Milli Assambleyasının Sədri Nosivive Mapisa-Nqakula bildirib.

Nosivive Mapisa-Nqakula qeyd edib ki, Heydər Əliyev dünya miqyaslı siyasətçi olub: “İndi ölkəmiz enerji böhranı ilə üzləşib. Cənubi Afrika Respublikası Heydər Əliyevin banisi olduğu Azərbaycanın neft-qaz strategiyası təcrübəsindən yararlana bilər”.

O, Qoşulmama Hərəkatı çərçivəsində fəaliyyətinə görə Azərbaycana təşəkkürünü də çatdırıb.